ياللي لنفسي ملكت وصرت محتلي

ياللي لنفسي ملكت وصرت محتلي
أبي استقل إن سمحت وهالخطاء عده


من شافني قال وشبك؟ ليه من سلْي
قلت الحقيقة بعيده .. ما نعرف حده


اضحك مع اللي يجيني مخفين علْي
اصبر وأكابر واسوي حالي بشده ؟


طيف الغضي دايم معي مثل ظلْي
مــا فــارقن طيفها من صافيٍ خده


تكفون ياربعي؟ اللي رايح لخلي
إيعلمه ماجــــرالي .. اطلبه الرده


عسى النمايم ومن سعى بها يولي
في نار حكم الولي لوطالت المده


حمل الهواوي صعيب وصعب ينشلْي؟
ما يقـــدره فــارسٍ بالحــرب لــــه رده


عنتر مع اللي بغاها صار من ذلـــي
لاشافها صارت أعلومه على قــــده


هــــذي حـقـيـقــه تراها مالها حلي
الحل عند الغضـــي وعــلاجي بيده




22-9-1431هـ