اليوم اشوفك حيل يازين ضايق

اليوم اشوفك حيل يازين ضـايــق
= قلي عسـى ماشــر ياسـيـد الاحباب


من نظرتك تخفي كثيره حقـايــق
= ومن دمعتك قلبك من الهم ماطـاب


ومن وَنْتَك تَحْمِل أهْموم الخلايق
= ومن نهْتـتـك مـاودك اتكون كـذاب


بس اسمحيلي خمسه من الدقايـق
= اذَكــرك بأني مـن الوقت من صَاب


فارقـت خـلاني ولانـي بـرايــق
= وغدر الليالي ماحسـبنا لــه احساب


لاشك ياخلي على ايش التْضَايق
= طبع الليالي دوم تفـريق الاصحــاب


ولفراقكم ماطيق كان انت طايـــق
= وباب الهجـر لا تفتح اليوم لـه باب


لاتْزَودي مافي ضميري حرايـــق
= لاشـفـت دمعك فوق خديك سَـكَْـاب


لاما تحمل شـوفتك وأنت ضايـــق
= أختم لك بعشرة على صفحة اكتاب


وان رقت انا بأروق وأصير رايق
= هـذي الحقيـقـه ماتبي شرح كِتَاب


.1431