الغيم فوق الارض والقاع ممطور

روحـت للازرق لناس لـهم شــور
ناس تقــدر عـانــي الـــدار تقـــديـــر

وطلـعـت أنا لحسـان والبــذر منثـور
وشـفت المـناقـع عشـبها طالعً غير

والغيـم فـوق الأرض والقاع ممطور
شيءً جمالـه صعـب يوصف بتعبير

لـونـه يفـرج هم قلـبٍ لـه أشـهــور
هـمٍ غـريـب ولا عـرف لـه تفـاسير

البر مـا مثـله وأنـا غـيـــر معـــذور
لاصرت ممشي وسط ذيك النواوير

وقت الفجر نصحي قبل يطلع النـور
ونصلي الواجب جماعه على خيــر

مَــعَ رفـيـقٍ بالمــواجـيــب مخـبـور
لآمـن نخـيـتـه ما تَعـــذر معــاذيــر

يقدم الواجيـب بلا إسـراف وقصـور
رجـل فهيـم ولا يجـي منـه تقصيــر

ماهـو من اللي دايم إيلـف ويــــدور
اللي معـاكــس دايم لوجهت السيــر

اللي يغـث البال وبالهــرج مطيـور
شـخصٍ لئيم ولا يجـيــب التباشيــر

هـذي حـلاة البر والعمــر مخطــور
وقته محــدد. وكل محـــدوداً أقصير



9-5-1431هـ


الأزرق = منطقة بالأردن.
حسان = شعيب على طريق الصفاوي بالقرب من الازرق.

.....