مساجلة 3 مع الشاعر انور البدري

هذي الابيات رد على الشاعر/ انور البدري


• قريت لك يانور حـــروفٍ روايـه
= مع واحداً تغليه لك عشـــرة أعـــــوام

• وتقول في قصتــك هـذي البدايـه
= وشــلـون تــال المعـرفه يابن الاكـرام

• وانا باقـول لمن قسـابك كفـايـــــه
= ماعــاد نســمح للقـــرابـه بـيـنظـــــام

• ابشر وانا حاضر ومعيه عصـايه
= نجيب خلك .. شـغــلنا حــام في حــام

• حــدد سـكن من كان للـزين آيـــه
= نبي نجيبـه لـو وراء ســـور الاروام

• وان كان موضوعك مجرد دعايه
= ذكـرت مـافــي داخـلي ناســـيه عــام

• الصاحب اللي مامشى بالوشـــايه
= حاميـه ربي من سـواليف الأقـــــزام

• من غاب عني ماعرف وش بلايه
= مريــض مـدري صايراً فيني أفْصام

• مــاعـاد اداني قــربتي وقصــراية
= كنــي غـــريبٍ عايشٍ بين الاكـــوام

• من سـبة اللي خــدها كالمــرايـه
= جسمي نشف ماغير جلدٍ على عظام

• شـوفـه عـلاج لكـل من فيه سايه
= يبــريه شــوفـه لومحـطـم تحـطــــام

• هي غاية المطلوب وأيضاً منايه
= لكن صعيـب انحصله لو بالاحــــــلام

• لاشك ابا اتعب كود يحصل غلايه
= ورجواي باللي يفرج لكل من ظـــام

• وقالــوا قــديم لكل شــيءٍ نهايه
= وانا أتمنى الخيــر في عــام قـــــــدام

• وياالله طلبتك وانت تعرف خفايه
= تختم لنا في خير في شهر الاصــيام

• 28-9-1431هـ