مساجله 4 مطني المطيري

لو رحت يا........ لعرعر وأبا القـور
*** نـجـيـك يالـبـدري ولا بـه كــلافــــه

لأنك يا بو سامي عزيزن ومخبـــــور
*** الطيــب سـاسـك ماتبي لـه اضافـــــه

والبعد مـاهـــو بالبلـد دوم مــذكــــور
*** البعـــد بعــد قـلوب ناس وخــلافــــــه

ياطيب السيره عسى دربكــم نــــــور
*** لا ينقـطـــع وصــلك تـرانا نـخــافــــــه

نخاف تلقى لك من أهل البلد حــور
*** وتنسى الرياض ومن سكن به تعافـه

لكـن لأمن جيت عرعر وأبا الـقـور
*** سلم على أهل الدار ما من كــلافـــــه

مطني بن رشيد المطيري..أبوفواز


رد على قصيدة الاخ العزيز ابو فواز

مبداي بأسم اللي عَلم خافـي الشـور
*** الواحـد اللي كل ابـونا نخــافــــه

ومن بعد هاذا قلت بأسـطر أسـطـور
*** للي لهم بالصــدر قــدر وضـيافـه

أعــزهــم واحبهـم حـــب بسـطــــور
*** حـب على وضح النقاء مانخـافـه

رديهــم يــزبـنــكـ لاصــرت معـثــــور
*** ويــرفــع بلا للي مابـقـلبه لطـافــه

يفـــرح ليامنــكـ لـفـيــته مــع النــور
*** ذبــاحــة الحيـل السـمان بحـرافـــه

تاريخهم معروف ماهــوب مطمــور
*** يـومـن بعض الناس عمـره حسافـه

مطنــي أبـو فـــواز بالطيـب مخبـــور
*** ومخيـم الـراحه على الطيـب حافـه

يســرمـن يـبـغـا عبـق هيـل وبخــور
*** وســولـفٍ لايـمكـن أنــــك تـعــافـه

وماطر كريم وصافي القلب مسرور
*** يضحكـ احجاجه للخـوي بلا لقــافـه

والمردحـي نعمين للي بغـا الشـور
*** يبذل جهـوده لـو حصـل لـه كـلافـــه

وكــل أخـويانا بالمعــــزة لهـم دور
*** في داخـلــي يصعـــب عليــه قطافـه


مناسبة هذي القصيدة

عندصدور قرار نقلي الى الحدود الشمالية