يارب ستر يوم كشف السراير

يارب ســـــترك يــوم كشـــف الســرايـر
تستر على من كان فــ الــوقـــت حــايـر


عمـــره قضـــاه بغــربــة مستــديمـــه
ويمكن أكمـل كيـف ما الـوقــت صـــاير


يا الله عــلام الــناس فكــره مشــــــتـت
كـل (ن) يلوم الوقــت ويـقـــــول جـايـر


مـاني مـصـــدق حـكـي ناس تقــولــــه
ولانـي مـن اللي يكشــفــون الســتايـــر


أنـا ربـيــت بـوقـــت قـاســـــي عـليـــه
ومن فضل ربـي ماحسـبـت الخســــايـر


اصبــر على صـكــات بقـعــا وأجــامــل
واضحك مع اللي يـأتــي البـيــت زايـــر


ما ظهــر لضيفـــي مـا بقـلبــي مـخــفـأ
لو الهمـــــوم أكـبار والجــــرح غـــايـر


اخفي على اقرب شخص مافي ضميري
من شــان ما يَعْــرف خـفـايا الضمـايـر


حيث أن مافـي داخـلي صعـــب وصـفه
هــم كـبـيـــــر(ن) بـانياً لــه عـمــايــر


كنه جبال طـويــق مـن حـيـث حجمـه
يا خــذنـي الهـاجـس وأنـا فـيـه سـاير


مــدري الـويـن أسـير والدرب مظــلم
دربٍ أمْــوَحْــش طـاغــياً بـالعــثـايــر


هـذا بعـض مـافـي ضميـري وصابـر
عسى الفـجـر يـأتـي ومعـه البشـايــر



....
8-4-1431هـ