ضاق الصدر مدري علامي وانا اسوق

+

ضاق الصدر مدري علامي وأنا أســوق
= في وســط ديــرة ربعــنا بالشــمالـي

وحسيت قلبي وسـط الأـضلاع مخنوق
= وهـمٍ غــريبٍ مـالـه أول وتـالــي

بسـبة وليفٍ كـان في مـا مضى عـوق
= اليوم عايش في غـرور وتعـالـي

الـيـوم شـايـف مـنـزلـه فــوقـنا فــوق
= ما يـدري إنـه ما بعـقــلي اهــبالــي

ولايهمني لوهوا عـرض داخـل السوق
= نفسي عـزيـزة ما تـدان النـذالــي

صحيـح قالـوا كل مـطــرود ملحــوق
= لا شـك مطـــرودي بعيـد المنالــي

فـكري يحـلـق فــوق يا صاحبي فـوق
= فــوق الثـريا يا حسـيـن الــدلالـي

مـاني من اللي طبعهم بوق فـي بـوق
= أهـل النذالة يا عسـاهـا الـزوالـي

لا شـك اكرر كـل مـطرود مـلحـوق
= حكمه قـديمـه من عصوراً خوالي


1429