دنيا تفرق كل شي بغيناه

+
----
-
قلبي يود اللي على البال طرياه
لوهو يعاتب ياطلب قلت جيتــك

ما كل مانبغــاه ياشوق نلــقـاه
حكم القدرماهو في ايدي وأيدك

دنيا تفــرق كل شيءً بغيــناه
نصيـبنـا ياللي بروحي فــديتك

لك في خفوقي حكم بأقصاه وادناه
ولوتطلب الروح العزيزه عطيتك

أنت الــذي يفـــز قلبي لطــريـاه
ومهماحصل ما بيننا ما عصيتك

مادمت انا حي(ن) بقيت اترجاه
ولو غبت عني ماب يوماً سليتك

تبي الحقيـقـه روحي اليوم مشقاه
ولولا الحياء ياشوق انا اليوم جيتك

مــن راد يتحــدىَ تــراي اتحــداه
في صدق شوقي داخل الصدربيتك

وماكـل مـن يطلـب لقـانـا عطيناه
إلا لشخصـك كـل شيءً عطـيـتـك

لمح البصـر لوهـو حقيقه سبقناه
الشوفك اللي يسعد النفس صيتك

غيرك يجي ويروح ماقد فقـدنـاه
إلا انــت لحظه لا اتـوقـع نسيتـك

ويارب ياللي كل ماتضيق ننصاه
انك تحقــق مــافــي بالي رجيتك

1431