لا بغيت اغوص في بحر القصيد

لابغيت اغـوص فـي بحـر القصيـد = أصــل المحــار وأنقـــى مـن غـــلاه

من بحـور الشـعـر نأخــذ ما نـريـد = انتـقـي مـا ريـــد مـن منبــع حــــلاه

الشعــر في داخلـي مجــرى وريـد = من صغــر سـني وأنا عـايـش معــاه

أتفـنــن فـــي طـــواريــق النشـيــد = يـوم غيــري مـا وصـل لـي مبتـغـاه

القصيـد بـداخـلـي بحــــراً يـزيـــد = اغـرف من اليم واشــرب من سـمـاه

واعرف إني ماني بالساحة فــريـد = بس سـهمـي مـرتفــع محد(ن) قــواه

لاتـناقــش فـي قـصيــدي ياهـريــد = دام هـــذا حـــد فـهـمـــك مسـتــــواه

لاتحـكــك خـلك فـي اكـل العصيـد = انت شخص تايه (ن) محدن) قـداه

مـايهمـــن لـو تقــول ولـو تـعيــد = خابرينك وجهـك أقسـى مـن الصفـاه

من ربـوع مـا بهــم غيـر الـوعيـد = من قنـص بـك ضايع وخـايب رجـاه

ياصغيــر العـقــل يا منافــق اكيـد = النفـــاق بفهــــرســـك سـيلك غـشــاه

كـان مــاتـوبــت لأشــرح للبعيــد = وأعلـن اسـمـك اقسـم بالله فـي عــلاه

ودي إنـك تسْمـع للــرأي السـديـد = حيث صبــري قـرب يَاصــل منتـهاه

ومايفل اصل الحــديد إلا الحـديـد = وأنا الفــولاذ القـــوي ونتــه غـــثــاه

ربعي الويــلان يابليـس الطـريــد = من قديـم(ن) ما حـد(ن) قـرب حمـاه

كاسـبين الطـيب مــن عهـدٍ بعيــد = يـوم بعـض النـاس يخفي لك عـشــاه

من تعب بالزرع يرجي للحصيـد = والجــلاســي ما بعــد زرعـه جــناه

ياعطـى الموجود عنده يوم عيــد = ماهو مثلك وجهـك اقسى من الحصاه

واختمه وأقـول وان عــدتـم نعيــد = ياوجــيـه اللــي اتَـنَابَـحْ بالـفـــــلاه


.1431