يازينها بعض البشر لا جلس وراء شاشته

يازينها بعض البشــر لا جلــس ورى شــاشـتــه
= رجـل كـريم بالحكي, والفعـل ماعنــدك احـد

يا جئ رفيقه في غرض لايمكن يقضي حــاجته
= لوحاجتك شيء بسيط, يجحدك ولعرفك جحـد

هذا الصحيح, ولي حصل مع هالاشكال وحالته
= كنت اعتقد لآمن نخيت القى عضيد ولي سـند

وين الـــذي لا قـلت له تكفـى يطــش اعمــامته
= روح زمان اهل الكرم والطيب كفـن في لحـد

والرجل لا ضامه زمن ربـعـه إتحضر ولآبـته
= عند اللـزوم تشـاطـره بالخيـر او غيـره بـعـــد

غريـب ياهــذا الـزمـن العــرف مـن طــلابـته
= لا صار في جيبك عــدد يصير ما مثلك وجــد

صــار التعامــل بـيـنـنا مـصالـح, وســلامـتـه
= من كان ما عنـده هـدف لـو راح ما عـنه نشــد

في هالـزمن راح الوفا وكثـرت بـها ظـلامـته
= ناسٍ اتمجــــد حــالـها والجــد ما تلـقـى أحــــد


وأنا احمد الله في غنى عن هالـزمن وخمامته
= لوعشت وحدي ما فرق من فضل ربي بي جلد


21-12-1430هـ