احتضن قلب المعنى لا يطيح

احتضـــن قـلـب المعـنــى لا يصيح
=مثل ما تُحـضن عصافيـرٍ إصـغــار

ليش تتـركني وأنا قـلبــي جــريــح
=ليش تخــلـــف ياعشيري للمســـار

من غيابك شـفني بفـراشـي طريح
=وانتظــر شـوفتـك سـاعـــة من نهـار

كل ما حاولـت أوقف صـرت أطيح
=جــوي أمعــتم ظـــلامٍ مــع غُـبـار

تنفض أعروقي وصدري له فحيح
=ومن فحصني مستشار القلب حـار

قال وشبك؟ قلت مـدري يا فصـيح
=تكفى يا دكتـور سـوي لي قــرار

قال عاشق؟ قلت له هــذا صحيـح
=ومن نحبـه يـا رفـيـق الخير طار

مـن فقـدنا صــاحـب الوجـه المليـح
=آخــر النظــرة على بـاب المطـار

وحــرك الطـيار ذا الـوجــه القبيح
=متجــه لبـــنان جعـلــه للعمار

هو إيحسب أني بعــدكـم مستريــح
=يشهد الله حالتــي صـــارت دمار

يشهــد الله كل ما قـلـتـه صـحيــح
=كل ما قـلـتـه تــرى يازين صار

5-4-1431