مطولك ياليل الشقى والتعاسة

مـاطـولك ياليـل الشــقـاء والتعاســه
لاجيت مقبل جـت همومـي كما الليل

مـافـيـك خيـر ولاتجـيب الـوناســه
ماغيـر ضيـق يبهــذل الحال تذليـل

لبستنـي ثــوب الشـقـاء في قـياسـه
كنه مفصل لي على الحـال تفصيــل

حاولت أكون مجامـل وبي سياسه
وأقــزرك مابـيـن مـزح وتعـاليـل

لاشك حولك عن خصيمك حراسه
وياويل حالي منك صعب المناويل

ولوهي فَرَاسه كان أخذتـك فَرَاسه
ربعي هل الطولات جيل بعد جيــل

عـز الـرفيـق وجـارهـم له ونـاسه
امْـدلهـين الجــار..نعـم الـرجاجيل

ماهم من اللي ســلمهم بـه خسـاسه
أمْطـردين الضيـف نـاسٍ مـهـابـيـل

وكـلن على مـاقـيـل يـرجـع لسـاسـه
وكلن أبْيجني مـازرع من محاصيـل

وكلن بيشـرب مـن حلى حلو كأسـه
ولاهـو بناشـد عن اعْـلـوماً تهـاويـل

وخـتامـهـا يــاليــل كـلك تعـاســــه
متى تفــارق عني اليـوم وتحـيـــل؟




29-7-1431