ودي احكي بس خايف ان ما اقوله خطير

1- ودي احكــي بس خايــف .. ان ما أقــوله خطير
يفضح اللي في خفـوقـي حارسه و الإ يهيـــل


2- ياضميري وش حصل لك ياعسى دربك سـفير
كان ودك تتـرك اللـي مـاوجــد مثــله مثيـــل


3- كان تقــــدر..لاتــونــا..أكمـل في خـــط المسير
عارف(ن) نفسي عزوم..وخابرك دايم ثقيل


4- بس هـــذا الريم جــرن يمها ســلك الحــريـــر
من حلاها راح ثقلي كيف مــدري مســتحيل


5- مستحيل انسان يجهل ..كان من طفل(ن)غرير
وهالمراحل كنت فيها.. بس من وقتً طويل


6- يوم ناظـــر صاب قلبي ســهم من عينه شطير
الخجل حَمْر خدوده .. جل من سوى الجميل


7- ويـن ربعــي ياجمـاعــه جيشــو جيـشٍ كثيـــر
جيبو اللي من سببها صرت ماشي بلا دليل



16-6-1430هـــ