ول ياقلب على الماضي شغوف

ول ياقـلـبٍ على الماضي شـغـوف
لأذكــر مـافــات جـريـت العــويـل

مستشيط القلب من كثـر الظـروف
حـايـراً محـتار والحـالــه هــزيــل

أوجس بقلبي مثل ضرب الـدفـوف
لاذكرت أصحاب مع وقــتٍ جميـل

ضاق صدري قمت اصفق بالكفوف
وزاد هـمــي كـل مَـقـبــل زود ليـل

كل يوم(ن)من حلى عمري يطوف
تقــرب المُـدة على وقـت الـرحيـل

تقــرب المُــدة وأنا اناظر واشوف
واقــع(ن) مـاهـو بشـيءٍ مُستحيـل

واقــع(ن)ماهوعلى حالي عطوف
قاسـين والقـلـب مـن دونـه عليــل

كـلنا فـي هالزمـن مثـل الضيـوف
الـرحيل آتـي ومعــروف الـدليـل

آه ياطعـن الـزمن مثـل السيـوف
كان طحت العدل في حقك يميل

2011 يونيو