ودي بشوف اللي على القلب غالي

ودي بشـــوف اللـــي على القلب غالي
الصـاحـب اللي هــرجــتـــه مــاتمــلـه

الصـــاحــــب اللــي بالمحـبـه صـفـالي
شــوفـــه عــلاج لكــل هــمٍ وعــــلـــه

أنا اشـهـد إني بعــــدهـا ضـاق بالـي
والكبد كـن بوسـطـهـــا فـــوح دلـــه

جــدواي تصفيــق اليميــن بشــمالي
ولــولا الحــياء كــان المـدامـع نهله

ليته يعرف اللي بعــدهـم جــــرالـي
مـاكـان يتـركنـي على هيـك مـِــلـه.؟

كــان انـتـبــه لي لـو بنظـره حــلالي
كــان التفــت ماســابق البعـد ظـلــه

ويـــارب يــاعــالـي عـلى كــل عـالي
انــك أتـرجــع صــــاحبـي في محــلـه

وان الســعــادة دايـــمه للـغــــوالي.؟
يقـطــف أزهــاراً شابكاتٍ أمظـــلـه

ويـبقــى وليــفــــي دوم اول وتــالي
فرحان كنــه طــفـل لاقــي هلـن لـه



21-7-1432هـ